اَلْبَابُ الرَّابِعُ

فَصْلَانِ

اَلْفَصْلُ الْاَوَّلُ

حضرتِ خضرڭ مشهور و مهمّ بر وردى مبدأ و أساس اولارق، معرفت اللّٰهده و توحيدڭ مراتبنده آلتمش اوچ مرتبه‌يه إشارت ايدييور. او آلتمش اوچ مرتبه‌نڭ هر بريسى ايكى جمله‌در:

﴿لَا اِلٰهَ اِلَّا اللّٰهُ﴾

وحدانيتى إثبات ايتديگى گبى،

﴿هُوَ﴾

ايله باشلايان إسملر وجودِ واجبى إثبات ايدييور.

عادتا برنجى جمله وحدانيتى گوسترديگى زمان بر سؤالِ مقدّر خاطره گلييور. "او واحد كيمدر؟ ناصل بيله‌جگز؟" دييه واقع اولان سؤاله· مثلا

﴿هُوَ الرَّحْمٰنُ الرَّحِيمُ﴾

ايله جواب ويرييور. يعنى كائناتى طولديران آثارِ شفقت و مرحمت اونڭدر، او رحمانى طانيتديرييور. و هكذا قياس ايت.