بن إعتراف ايدييورم كه· بن بو ذيللرى اونوتمشدم. إمامِ علىنڭ (رض) بو إخطارى ايله تخطّر ايتدم. شقِّ قمرى سابقًا يازدم. شيمدى بو آنده صحابه‌لر حقّنده‌كى ذيلى خاطرلادم. ايشته مادام علمِ بلاغت و فنِّ بيانده بر تك قرينه ايله مجازى بر معنا مراد اولونه‌بيلير و بر تك مناسبتله، بر مفهومه إشارت بولونسه، او مفهوم بر معناىِ إشارى اولارق قبول ايديلير. ألبته ظاهر و چوق قرينه‌لردن و أماره‌لردن قطعِ نظر، يالڭز بو ايكى يرده تام ذيللرڭ بولونديغى عين مقامده و ذيل معناسنده اولان

﴿بَعْدَهَا﴾

كلمه‌سنى تكرار صورتنده إفاده‌يى دگيشديره‌رك سويله‌مسى، تام بر قرينه‌در كه· حضرتِ إمامِ على (رض) معناىِ حقيقيسندن باشقه بر معناىِ مجازى و إشارىيى دخى إفاده ايتمك ايسته‌يور.