"بو دروسِ قرآنيه‌نڭ دائره‌سى ايچنده اولانلر، علاّمه و مجتهدلر ده اولسه‌لر· وظيفه‌لرى (علومِ ايمانيه جهتنده) يالڭز يازيلان شو سوزلرڭ شرحلرى و ايضاحلريدر ويا تنظيملريدر. چونكه چوق أماره‌لرله آڭلامشز كه: بو علومِ ايمانيه‌ده‌كى فتوا وظيفه‌سيله توظيف ايديلمشز. أگر برى، دائره‌مز ايچنده نفسڭ أنانيتِ علميه‌دن آلديغى بر حسّ ايله، شرح و ايضاح خارجنده بر شى يازسه· صوغوق بر معارضه ويا ناقص بر تقليدجيلك حكمنه گچر. چونكه چوق دليللرله و أماره‌لرله تحقّق ايتمش كه: رسالهِٔ نور أجزالرى، قرآنڭ ترشّحاتيدر· بزلر، تقسيم الأعمال قاعده‌سيله، هر بريمز بر وظيفه درعهده ايدوب، او آبِ حيات ترشّحاتنى محتاج اولانلره يتيشديرييورز!.."

آلتنجى دسيسهِٔ شيطانيه شودر كه:

إنسانده‌كى تنبللك و تنپرورلك و وظيفه‌دارلق طمارندن إستفاده ايدر. أوت شيطانِ إنس و جنّى هر جهتده هجوم ايدرلر. آرقداشلريمزدن متين قلبلى، صداقتى قوّتلى، نيّتى إخلاصلى، همّتى عالى گوردكلرى وقت باشقه نقطه‌لردن هجوم ايدرلر. شويله كه: