ثالثًا:

هم قرآنى بشر كلامى فرض ايتمك، لازم گلير كه· آثاريله، تأثيراتيله، نتائجيله عالمِ إنسانيتڭ بِالمشاهده أڭ روحلى و حياتفشان، أڭ حقيقتلى و سعادترسان، أڭ جمعيتلى و معجز بيان، عالى مزيتلريله يالديزلى بر فرقانڭ گيزلى حقيقتى· حاشا معاونتسز، علمسز بر تك إنسانڭ فكري1ۚNتصنيعاتى اولسون و ياقيننده اونى تماشا ايدن و مراقله دقّت ايدن بيوك ذكالر، علوى دهالر اونده هيچ بر زمان هيچ بر جهتده ساخته‌كارلق و تصنّع أثرينى گورمه‌سين.. دائما جدّيتى، صميميتى، إخلاصى بولسون! بو ايسه يوز درجه محال اولمقله برابر، بتون أحواليله، أقواليله، حركاتيله بتون حياتنده أمانتى، ايمانى، أمنيتى، إخلاصى، جدّيتى، إستقامتى گوسترن و درس ويرن و صدّيقينلرى يتيشديرن أڭ يوكسك، أڭ پارلاق، أڭ عالى خصلت تلقّى ايديلن و قبول ايديلن بر ذاتى· أڭ أمنيتسز، أڭ إخلاصسز، أڭ إعتقادسز فرض ايتمكله، مضاعف بر محالى واقع گورمك گبى شيطانى دخى اوتانديره‌جق بر هذيانِ فكريدر.