خسرو

٭ ٭ ٭

﴿بِاسْمِهِ سُبْحَانَهُ﴾

عزيز، صدّيق قارداشلرم!

بر جلوهِٔ عنايتِ ربّانيه‌در كه· داها مدافعاتمزى و أوراقلريمزى و كتابلرى گورمه‌دن، يالڭز پرده آلتنده حسّ ايدوب معارف وكيلنڭ دهشتلى پوسكورمه‌سى و هجومى، بشنجى شعاع و هجماتِ ستّه‌نڭ ذيلى گبى غايت شدّتلى محرم رساله‌لرى أڭ أهمّيتلى مقامات بِالفعل تنقيد ايچون تدقيق ايتمه‌سى و مدافعاتمڭ جدّى، طوقوناقلى كفرِ مطلقه جرئتكارانه ضربه‌لرى آنقره‌نڭ بزه قارشى چوق شدّتلى طاورانماسنى بكلركن، مسئله‌نڭ عظمتنه نسبةً غايت ملايمانه بلكه مصالحه‌كارانه وضعيت آلمش. و بو جلوهِٔ عنايتڭ بر حكمتى ده شودر: رسالهِٔ نورڭ عموم مملكته علاقه‌سى جهتيله، عمومى بر درسخانه‌ده و بيوك مقاماتده دقّت و مراقله اوقونماسيدر. أوت بو زمانده بويله يوكسك بر درس، ألبته بويله جمعيتلى و كلّى و عمومى دائره‌لرده اوقونماسى، بيوك بر عنايتدر و كفرِ مطلقى قيرديغنه بر قوّتلى أماره‌در.