حضرتڭزه بورادن آيريلق سويله‌مشدم

چكيلوب نورِ هدايت ينه زندان اولاجق

ينه فرقت، ينه حسرت، ينه خسران اولاجق.

ينه سن، ياش يرينه قان آقيتوب آغلا گوزم

چونكه هجران طولو قلبم ينه هجران اولاجق.

ينه گوچ وار دييه مجنونه خبر ويرمه صاقين

ينه ماتم، ينه زارى، ينه أفغان اولاجق.

آچيلان اول گُلِ توحيد، صاراروب صولسه گرك

قپانوب كعبهِٔ عرفان، ينه ويران اولاجق.

خبر آلدم كه يارين ياد اولاجقمش بزه يار

نه بيوك ياره كه، كيملر بوڭا درمان اولاجق.

بو بيوك دردِ ألمدن كيمه شكوا ايده‌يم

ايشيدن ناله‌مى، هپ بن گبى نالان اولاجق.