اوننجى لمعه

شفقت طوقاتلرى رساله‌سى

﴿بِسْمِ اللّٰهِ الرَّحْمٰنِ الرَّحِيمِ﴾

﴿يَوْمَ تَجِدُ كُلُّ نَفْسٍ مَا عَمِلَتْ مِنْ خَيْرٍ مُحْضَرًا وَمَا عَمِلَتْ مِنْ سُوءٍ تَوَدُّ لَوْ اَنَّ بَيْنَهَا وَبَيْنَهُ اَمَدًا بَعِيدًا وَيُحَذِّرُكُمُ اللّٰهُ نَفْسَهُ وَاللّٰهُ رَؤُفٌ بِالْعِبَادِ﴾

آيتنڭ بر سرّينى، خدمتِ قرآنيه‌ده آرقداشلريمڭ بشريت مقتضاسى اولارق سهو و خطالرينڭ نتيجه‌سنده ييدكلرى شفقت طوقاتلرينى بيان ايتمكله تفسير ايدييور. خدمتِ قرآنيه‌نڭ بر سلسلهِٔ كرامتى و او خدمتِ قدسيه‌نڭ أطرافنده إذنِ إلٰهى ايله نظارت ايدن و همّت و دعاسيله يارديم ايدن غوثِ أعظمڭ بر نوع كرامتى بيان ايديله‌جك. تا كه، بو خدمتِ قدسيه‌ده بولونانلر، جدّيتلرنده، خدمتلرنده ثبات ايتسينلر.