بو دفعه أوّلجه سزه گوندريلن گنجلر ايقاظنامهسنڭ بر تتمّهسى اولارق، بو حواليدهكى تهلكهلى وضعيتده بولنان گنجلره بر إخطارنامه نامنده بر فقره گوندرييورز. تا كه رسالهِٔ النورڭ گنج شاكردلرينڭ گيتدكلرى إستقامت و عفّت و إتّباعِ سنّتِ سنيه، گنجلك نقطهسنده نه قدر قيمتدار بولونديغنى و حقيقى و ذوقلى گنجلك ايسه او طرزدهكى بختيارلرڭ گنجلكلرى اولديغنى بر قات داها إثبات ايدوب، حقيقى گنج توركلر كيملر اولديغنى گوسترسين.
عموم قارداشلريمزه و همشيرهلريمزه سلام و دعا ايدرز. و مبارك دعالرينى بو مبارك رمضانِ شريفده و بره بيڭ قزانجى قزانديران أيّام و ليالئِ مباركهده رجا ايدييورز.
اَلْبَاقِى هُوَ الْبَاقِى
قارداشڭز سعيد النورسى
٭ ٭ ٭
بر قاچ بيچاره گنجلره ويريلن بر تنبيه، بر درس، بر إخطارنامهدر
(بو دفعهدن أوّلجه سزه گوندريلن گنجلر ايقاظنامهسنڭ بر تتمّهسى)
بر گون يانمه پارلاق بر قاچ گنج گلدىلر. حيات و گنجلك و هوسات جهتندن گلن تهلكهلردن صاقينمق ايچون تأثيرلى بر إخطار آلمق ايستديلر. بن ده أسكيدن رسالهِٔ النوردن مدد ايستهين گنجلره ديديگم گبى اونلره ديدم كه:
سزدهكى گنجلك قطعيًا گيدهجك. أگر سز دائرهِٔ مشروعهده قالمازسهڭز، او گنجلك ضايع اولوب باشڭزه هم دنياده، هم قبرده، هم آخرتده كندى لذّتندن چوق زياده بلالر و ألملر گتيرهجك. أگر تربيهِٔ إسلاميه ايله او گنجلك نعمتنه قارشى بر شكر اولارق عفّت و ناموسليلق و طاعتده صرف ايتسهڭز، او گنجلك معنًا باقى قالاجق و أبدى بر گنجلك قزانماسنه سبب اولاجق.
عموم قارداشلريمزه و همشيرهلريمزه سلام و دعا ايدرز. و مبارك دعالرينى بو مبارك رمضانِ شريفده و بره بيڭ قزانجى قزانديران أيّام و ليالئِ مباركهده رجا ايدييورز.
اَلْبَاقِى هُوَ الْبَاقِى
قارداشڭز سعيد النورسى
٭ ٭ ٭
بر قاچ بيچاره گنجلره ويريلن بر تنبيه، بر درس، بر إخطارنامهدر
(بو دفعهدن أوّلجه سزه گوندريلن گنجلر ايقاظنامهسنڭ بر تتمّهسى)
بر گون يانمه پارلاق بر قاچ گنج گلدىلر. حيات و گنجلك و هوسات جهتندن گلن تهلكهلردن صاقينمق ايچون تأثيرلى بر إخطار آلمق ايستديلر. بن ده أسكيدن رسالهِٔ النوردن مدد ايستهين گنجلره ديديگم گبى اونلره ديدم كه:
سزدهكى گنجلك قطعيًا گيدهجك. أگر سز دائرهِٔ مشروعهده قالمازسهڭز، او گنجلك ضايع اولوب باشڭزه هم دنياده، هم قبرده، هم آخرتده كندى لذّتندن چوق زياده بلالر و ألملر گتيرهجك. أگر تربيهِٔ إسلاميه ايله او گنجلك نعمتنه قارشى بر شكر اولارق عفّت و ناموسليلق و طاعتده صرف ايتسهڭز، او گنجلك معنًا باقى قالاجق و أبدى بر گنجلك قزانماسنه سبب اولاجق.