عزيز، صدّيق قارداشلرم!
بتون تاريخِ بشريهده قطعيًا مِثلى گورولمهمش و قَومِ لوطڭ باشنه ياغان سماوى طاشلردن داها مدهش طاشلر، دينسزلك حسابنه ميليونلرله أهلِ ايمانى و معصوملرى أديانِ سماويه و قوانينِ إلٰهيه خارجنه دهشتلى واسطهلرله سَوق ايدن بر مملكتى سماوى طاشلرله طوقاتلاماسنڭ بر مقدّمهسى اولارق، رسمى غزتهلرڭ قطعى خبر ويردكلرى بر حادثهِٔ سماويهيى، عادتمه مخالف اولارق بر نور شاكردى بڭا خبر ويردى. ديدم: يگرمى بش سنه غزتهلرڭ حوادثلرينى مراق ايتمدم. فقط بو طاشلر، رسالهِٔ نورڭ دينسزلره معنوى طوقاتلرينى تمثيل ايتديگى جهتده و بش آلتى سنه أوّل اوندن خبر ويرديگى ايچون او شاكرده ديدم: "گيت، يالڭز او حادثهيى تماميله اوقو، تحقيق ايت." او تحقيق ايتدى، گلدى. دييور كه: بو بهارده روسيهنڭ ولادىوستوق اورمانلرينه، زمين يوزنده هيچ أمثالى گورولمهين بيوكلكده سمادن طاشلر دوشمش. و أڭ بيوگى، يگرمى بش متره اوزونلغنده و اون متره بويندهدر. دوشديگنده أطرافندهكى آغاجلرى دويرمش و اوتوز قدر بيوك چوقورلر حصوله گتيرمش. تدقيق ايديلن پارچهلرنده· دمير، چليك و باشقه مادّهلر قاريشق اولارق ميزانسز بولونمقدهدر.
بتون تاريخِ بشريهده قطعيًا مِثلى گورولمهمش و قَومِ لوطڭ باشنه ياغان سماوى طاشلردن داها مدهش طاشلر، دينسزلك حسابنه ميليونلرله أهلِ ايمانى و معصوملرى أديانِ سماويه و قوانينِ إلٰهيه خارجنه دهشتلى واسطهلرله سَوق ايدن بر مملكتى سماوى طاشلرله طوقاتلاماسنڭ بر مقدّمهسى اولارق، رسمى غزتهلرڭ قطعى خبر ويردكلرى بر حادثهِٔ سماويهيى، عادتمه مخالف اولارق بر نور شاكردى بڭا خبر ويردى. ديدم: يگرمى بش سنه غزتهلرڭ حوادثلرينى مراق ايتمدم. فقط بو طاشلر، رسالهِٔ نورڭ دينسزلره معنوى طوقاتلرينى تمثيل ايتديگى جهتده و بش آلتى سنه أوّل اوندن خبر ويرديگى ايچون او شاكرده ديدم: "گيت، يالڭز او حادثهيى تماميله اوقو، تحقيق ايت." او تحقيق ايتدى، گلدى. دييور كه: بو بهارده روسيهنڭ ولادىوستوق اورمانلرينه، زمين يوزنده هيچ أمثالى گورولمهين بيوكلكده سمادن طاشلر دوشمش. و أڭ بيوگى، يگرمى بش متره اوزونلغنده و اون متره بويندهدر. دوشديگنده أطرافندهكى آغاجلرى دويرمش و اوتوز قدر بيوك چوقورلر حصوله گتيرمش. تدقيق ايديلن پارچهلرنده· دمير، چليك و باشقه مادّهلر قاريشق اولارق ميزانسز بولونمقدهدر.