عزيز، صدّيق قارداشلرم!
أوّلا:
خسروله بر روح ايكى جسد و كنديسى، بهادر برادريله نور خدمتنده چوق أهمّيتلى موقع آلان قهرمان رشدينڭ عجيب بر أل ماكينهسنى نورلر ايچون جلبنه چاليشماسى، أهمّيتلى بر فتوحاتِ نوريهنڭ مقدّمهسيدر. إن شاء اللّٰه ينه نورلر، نورجيلرڭ لايق أللريله قلملرى گبى طبع و نشر ايديلهجك· يبانى و لايق اولميانلره محتاج اولميهجق. فقط هر شيدن أوّل صحّتلى و ياڭليشسز و گوزل بر طرزده ماكينه ايله، ممكن ايسه أوّل أسكى حرفله يازيلسه، صوڭره يڭى حرفله داها مناسبدر. سزلرڭ إصابتلى تدبيريڭزه حواله ايدييورز.
ثانيًا:
قونيهلى صبرينڭ رأفته يازديغى مكتوبنى گوردم، اوندن بيلدم كه· بو صبرى، اوتهكى صبرى گبى غايت خالص و صميمى و چاليشقان بر نورجيدر. بيڭ بارك اللّٰه هم اوڭا، هم اونى تشويق و تشجيع ايدن و خواجهلرڭ يوزلرينى آق ايدن قونيه عالملرينه. باشده مفسّر مبارك خواجه وهبى اولارق اونلره و اورادهكى نور شاكردلرينه چوق سلام ايدرز و بو مبارك شهورِ ثلاثهده دعالرينى ايسترز.
اَلْبَاقِى هُوَ الْبَاقِى
سعيد النورسى
٭ ٭ ٭
أوّلا:
خسروله بر روح ايكى جسد و كنديسى، بهادر برادريله نور خدمتنده چوق أهمّيتلى موقع آلان قهرمان رشدينڭ عجيب بر أل ماكينهسنى نورلر ايچون جلبنه چاليشماسى، أهمّيتلى بر فتوحاتِ نوريهنڭ مقدّمهسيدر. إن شاء اللّٰه ينه نورلر، نورجيلرڭ لايق أللريله قلملرى گبى طبع و نشر ايديلهجك· يبانى و لايق اولميانلره محتاج اولميهجق. فقط هر شيدن أوّل صحّتلى و ياڭليشسز و گوزل بر طرزده ماكينه ايله، ممكن ايسه أوّل أسكى حرفله يازيلسه، صوڭره يڭى حرفله داها مناسبدر. سزلرڭ إصابتلى تدبيريڭزه حواله ايدييورز.
ثانيًا:
قونيهلى صبرينڭ رأفته يازديغى مكتوبنى گوردم، اوندن بيلدم كه· بو صبرى، اوتهكى صبرى گبى غايت خالص و صميمى و چاليشقان بر نورجيدر. بيڭ بارك اللّٰه هم اوڭا، هم اونى تشويق و تشجيع ايدن و خواجهلرڭ يوزلرينى آق ايدن قونيه عالملرينه. باشده مفسّر مبارك خواجه وهبى اولارق اونلره و اورادهكى نور شاكردلرينه چوق سلام ايدرز و بو مبارك شهورِ ثلاثهده دعالرينى ايسترز.
اَلْبَاقِى هُوَ الْبَاقِى
سعيد النورسى
٭ ٭ ٭